Condicións baixo as que pode ser usado a maioría do material que eiquí se atopa. There is also an english version available.

A grandes rasgos, falamos da licenza Atribución-CompartirIgoal da Creative Commons. Pero lete este documento para aclarar algúns detalles.

Por suposto, para calquera dúbida que teñas (incluído o uso baixo doutras licencias) pódeste poñer en contacto comigo.

Condicións de uso:

O material deste sitio (imaxes, textos, código en calquera forma, etc.) é da autoría de Denís Fernández Cabrera (Gatonegro), salvo onde se indica o contrario.

Excepcións notables a este punto son:

• o código PHP do portal que vitamina o sitio, que é o Drupal (á súa vez, liberado baixo da licenza GNU/GPL).
• algunhas imaxes deseñadas para organismos que posúen o copyright e non poden (ou non queren) liberalo. Estas están marcadas explícitamente, e non se governan polos termos detallados a continuación.

Por se-lo autor do mentado material, as leises internacionais (o tratado de Berne) -- e, mais concretamente, as españolas -- de propiedade intelectual danme liberdade para impoñer condicións no uso que outras persoas poden facer del.

Exercendo ese dereito, libero o material deste sitio baixo da licencia Atribución-CompartirIgoal da Creative Commons. Recoméndase a lectura do texto legal completo do enlace anterior. Non embargante, velaiquí un resumo en lingoaxe humana (non avogada):

És libre pra:

1. copiar, distribuír e interpretar este material,
2. facer traballos derivados del,
3. facer uso comercial del.

Cas seguintes condicións:

1. Recoñecemento: debes de recoñecer e citar ó autor orixinal.
2. Comparte por igual: Calquera alteración, transformación, ou traballo derivado deste debe de ser liberado baixo esta mesma licencia.
   Asemade, calquera redistribución do material deberá de explicita-los termos desta licencia.

Por suposto, nengunha destas condicións limita os teus dereitos de "uso razoable" (citas, referencias, etc.).

Asemade, calquera destas condicións pode ser negociada. Contacta comigo.

Exemplos:

Todo isto quere dicir que podes, por exemplo, tomar un dos deseños deste sítio, modificalo un pouco (ou nada), imprimilo en camisetas e vendelas ó prezo que che pareza. Non é preciso que me pidas permiso, nen que me des parte dos beneficios (aínda que, dende logo, sería un detalle pola túa parte).

O que pola contra non podes facer é coller un dos deseños e dicir que é teu, ou -- logo de imprimilo nas camisetas -- dicir que ninguén mais pode facer copias del: as camisetas e o deseño que nela vai terían que estar liberadas baixo desta mesma licencia.

Así, a inclusión deste material noutro proxecto maior (por exemplo, usar parte dos debuxos coma ilustracións para un libro) está supeditada a que ese proxecto poida ser tamén libremente copiado, modificado, etc. (hai exemplos de libros liberados baixo licencias deste tipo).

Novamente, recoméndase que leas o texto legal completo. Se tes calquera dúbida no tocante destes puntos, usa o formulario de contacto.