Como parte da renovación da web do GLUG, decidimos cambia-lo logotipo. Fixemos un concurso e este saíu elixido. Había outras moitas versións, maiormente no tocante ó lema (a miña proposta inicial era "denantes mortos que fechados", parafraseando o escudo de Castelao, pero a xente tomouno á tremenda, así que decidímonos por algo mais neutro).

Curiosamente, o escudo ten unha historia heráldica: a estructura, por suposto, é a do Escudo da Galiza de Castelao. En troques da serea, un pingüín que representa ó GNU/Línux. A lenda identifica á comunidade. Os percebes son un elemento histórico, en homenaxe ó antigo logo do GLUG. O campo sobre o que están é, por suposto, a bandeira galega.