Cartaz para o magosto do Foro da Mocidade de Compostela, órgano que agrupa as maiores (ou mellores, ou cando menos as que se preocupan de veras polo tema) asociacións lúdico-culturais da mocidade compostelana.

Penso que é interesante o efecto que acadei no fondo: faise intersecando unha rede de rectángulos paralelos, delgados, co fondo da imaxe (teclas ctrl+*), e logo aplicando simplificacións (ctrl+l). Se se fai a varios niveis (dividindo o fondo en varias "capas" ou zonas, como se ve na imaxe) pódese acadar un efecto de gravado bastante logrado. A elección das letras tamén é importante, por suposto, e estas son as axeitadas (son de Apostrophic Laboratories, podedes conseguilas na rede de balde). E é que co Inkscape pódense facer cousas ben lindas.