A finais do 2006 unha editora de Valencia contactoume pra que lles fixese o deseño do manual dos delegados sindicais de CC.OO. pra todo o estado español. Eles encarregaríanse da maquetación, e eu facía a liña estética e o libro de estilo.

O manuai ía ser un libriño do tamaño dunha caixa de cedé, e iría acoimpañado dun cederrón (lóxico, non?) con datos surtidos sobre o sindicato. Na imaxe podedes ve-la carauta do libriño, e as imaxes que abrirían as catro seccións do manual, así como un par de páxinas de mostra e a "bolacha" do cederrón.

O resultado foi o que vedes enriba, do que tanto eu coma eles quedamos moi, moi satisfeitos. O caso é que, polo visto, pra Comisións Obreiras resultou ser "un poco rojo de más" (sic).

Enfín. Así vai a Revolución.

Pero o resultado é bo. Moi bo, mesmo. É un dos deseños dos que estou mais contento, pensen o que pensen dende CC.OO.

A diferencia da maioría dos deseños que teño no web, deste vou a me reserva-los dereitos. É moi probable que algún día remate por usalo nalgures, e gustaríame que lucise por sí soíño. De tódolos xeitos, se alguén está moi interesado en lle dar algún uso, podedes falar comigo, e vemos se é posible.