CriptoETSE - 0.1 alfa
Unha libraria de Criptografia para Informatica de Sistemas escrita en Python

Estes son os arquivos fonte dun traballo feito para a asiñatura de Criptoloxia, da Escola Tecnica de Informatica de Sistemas da USC. Pretenden ser un xermolo para se desenvolver no futuro con traballo da miña parte e doutros compañeiros de anos seguintes, de tal xeito que se acabe por obter unha libraria enteira e completa capaz de cubri-las necesidades da asinhatura e remprazar aplicacions privativas coma o Maple.

No cartafol CriptoETSE incluese o codigo do pacote de Python, que se pode importar pra traballar con el. Neste mesmo cartafol debe de haber dous arquivos, CriptoETSE.tex e CriptoETSE.pdf. Son, respeitivamente, a fonte e a version de imprenta do traballo final presentado. Recomendase botarlle unha ollada sequer porriba, porque alo esta mais comentado o pacote polo miudo. Tamen se aclaran ali temas de licenza (esencialmente, a GNU/GPL para o codigo e a GNU/FDL para o texto) e semellantes.

Ou, o que ven sendo o mesmo, camisola de Plutón Planeta Xa!.
Actualizo!: e mais tamén chapas (ou crachas, que aínda estou por decidir cál me gusta mais), porque xa sabemos ónde facer estas últimas.

Duas persoas dixéronme que estaban interesadas nas camisolas mentadas, e que lles gustaría unha (concretamente, a eles gústalles o modelo co 9 dentro de Plutón, sobreposto con Caronte). A min tamén me molaría ter unha, e mais sei de outra xente á que lle podería interesar. Polo tanto:

Se vives preto de Compostela ou en Compostela mesmo, e che apetece unha camisola da Plataforma Popular Polo Planeta Plutón, deixa unha mensaxe neste post (e asegúrate de cubrir ben o teu campo de correo, que é non público). Reunindo xente dabondo podemos facer unha tirada de camisolas razoablemente baratiñas (eu estímolle uns 15 euros, feitas en vinilo, que luce mellor e aguanta mais que a impresión normal).

Paréceme fatal, pero fatal, o que se dí FATAL que uns cantos pseudocientíficos revisionistas queiran sacarlle a Plutón o estátus de planeta.

Que digo, planeta: planetas! Sabía vostede, leitor imprudente, que o que decote chamamos Plutón, así con aleghría, é en realidade o único planeta binario do sistema solar, xa que a masa de Plutón propiamente dito e a da sua "lúa", Caronte, son tan próximas que se deforman un ó outro, e rotan en torno a un centro invisible de gravidade sito entre os dous.

Redeseño da estética da Asemblea da Faculdade de Física, e dos Vogais da mesma asemblea. O ideario da Asemblea, podédelo ver seguindo a ligazón que precede, que está todo aí explicado. En esencia, é unha organización de base do estudantado de física que agrupa a tódalas partes, sexan membros doutros partidos/sindicatos ou non. Ten peso político na faculdade a traveso dos Vogais, que son representantes de alumnos que renuncian a exerce-lo seu cargo particular, facendo en troques de voceiros da Asemblea.

O redeseño estético deste ano foi a fondo, e fixemos pegatinas, cartaces, pasquíns, membretes e de todo.